琴日9號風球~成日係屋企~之後夜晚出左去同班友食飯~你地真係有心啦~9號風球都出黎~多謝你地~

食完野之後同啊蘇走左去篤波~耐冇篤~無乜態~最後一兩板先有少少態~之後到11點幾就走啦~

一落到波樓~d風大到啊~連遮都開唔到咁制~不愧係9號風球~差d連我既假髮都吹走埋~哈哈~

同啊蘇急急腳行返屋企~連遮都唔開啦~去到樓下~見到本身俾風吹左出馬路既巴士站既牌又俾人移返原位~

唔知邊個咁好心呢~之後行到喜利門口~見到隔離間鋪頭既擋雨篷俾風吹左落黎~仲見到d招牌係度搖擺~

如果俾d招牌閘死就真係死得冤枉啦~哈哈~係咁嚇啊蘇~之後上左樓沖涼~沖完同肥仔玩飛行棋~

變態既~佢d運並唔係一般既好~連輸6鋪俾佢~以後唔同佢玩~

月下美人何嘆息?

郎君磨槍離在即!

男兒酬志何時還?

獨留伊人夜夜憶!

n耐冇打xanga~n多野冇講~所以唔講~總之我返左黎啦~

返黎既頭2日訓死左~三日加埋訓左40個鐘~超訓得~

奇怪地居然冇人搵我~之後先知原來張卡過左期~俾人停埋添~

而家換左新電話啦~號碼係90748925~各位想搵我就打依個電話啦~

聽晚係水邊圍打波~有興趣請連絡~時間大概係7點半度~

好耐無打xanga啦~因為係大陸上唔到~雖然我而家搬左出學校隔離同willson住~但都上唔到好多香港網~所以諗住轉網絡~

係廣州生活都算ok~住既地方離上課地點好近~屋租相對間屋黎講都算平啦~因為間屋好靚~所以我都算幾滿意~

依牌少做運動~肥左d~無計啦~因為籃球場相對住既地方比較遠~又多人打~而且有時fd打波都無搵我~唔係怪佢地~

因為事實有時會連絡唔到~以前係珠海就話樓上樓下~所以打波要叫人就方便姐~而家住出邊~好難怪佢地有時搵唔到我~

唔知點解~係廣州先半年就好似過左好耐甘~可能少同朋友玩~日日都係屋企上網~所以覺得日子好似漫長d~

係珠海就上堂落堂打波~再唔係就唱下k~耐唔耐去食下海鮮~係宿舍同班fd飲下酒~吹下水~所以過得好快~

我唔係後悔黎左廣州~因為廣州既生活可以比珠海更具色彩~只係我唔去過依d生活姐~

我更加唔係後悔搬左出去住~雖然搬出去住無甘熱鬧~但因為廣州既宿舍格局同珠海唔同~所以就算住宿舍都唔會點熱鬧~

況且搬出去住既主要原因都係因為宿舍鬧鬼~暨大死過甘多人~前牌先有學生跳樓死左~所以好多宿舍都唔係幾乾淨~

其實珠海同廣州都各有千秋~珠海夠平靜~廣州夠繁華~只係睇你自己中意邊樣多d姐~唔一定話邊度肯定好過邊度~

整體黎講而家係廣州我都尚算滿意啦~各位有興趣既話可以過黎搵我玩~

其實仲有幾多野想講下~但都係算啦~都打左甘多啦~等下次先再講啦~